31 Tetor 2025

Një dokument ekskluziv i bërë publik nga deputeti demokrat Belind Këlliçi ka hedhur dritë mbi parregullsi të rënda në projektin e tunelit të Llogarasë, duke sugjeruar se vepra me vlerë miliona euro është ndërtuar në mënyrë të paligjshme për vite me radhë.

Gazetari Julian Hoxhaj, i ftuar në një studio televizive,duke analizuar dokumentin e publikuar më herët nga ligjvënësi demokrat, shpjegon se bëhet fjalë për lejen e ndërtimit me kusht, e miratuar në prill 2022. Megjithatë, detaji tronditës është një firmë që mban datën 28 maj 2025. Kjo datë e ardhshme implikon se kompania turke duhej të plotësonte kushtet deri në atë vit për të marrë lejen përfundimtare.

Problemi qëndron sipas gazetarit Hoxhaj, në faktin se punimet në terren kanë nisur që në vitin 2021. Praktikisht, kjo do të thotë se për të paktën tre vite, tuneli është ndërtuar pa një leje ndërtimi të vlefshme, referuar të dhënave të dala nga dokumenti thekson gazetari.

Ajo që e bën më të rëndë këtë skandal, është fakti se dokumenti mban firmat e Kryeministrit Edi Rama dhe Ministres së Infrastrukturës Belinda Balluku, duke i implikuar drejtpërdrejt në këtë proces të dyshimtë.

Dokumenti që publikoi Belind Këlliçi pak minuta më parë në Syri Televizion, është një dokument shumë i rëndësishëm, është dokumenti në fakt i miratimit të lejes së ndërtimit për ndërtimin e tunelit të Llogarasë. Dokumenti është i periudhës së vitit 2022, prill 2022 dhe në fakt, ajo që është e rëndësishme nga ky dokument janë disa elementë. Së pari dokumenti, dokumenti bën fjalë për miratimin e lejes me kusht nga qeveria shqiptare për kompanitë, konsorciumin e kompanive turke që fituan tenderin për 170 milionë euro për ndërtimin e tunelit të Llogarasë dhe ky dokument ka një element të rëndësishëm që është pikërisht firma në fund, që është e zonjës Adelajda Roko, që është drejtuesja e Agjencisë për zhvillimin e territorit që mban datën 28 maj 2025.

Ja firma në të djathtë të ekranit, e sheh dhe avokati Genci Gjokutaj besoj. Kjo datë supozohet që është data kur pikërisht kompania turke ka plotësuar kriteret për të marrë këtë zbardhur lejen e ndërtimit dhe kryeministrit Rama. Firma e parë dhe vula e parë është e kryeministrit Rama. Dhe kjo. Kryeministri Rama, ministrja dhe drejtuesja e AZHT. Dhe drejtuesja, supozohet që, sipas këtij dokumenti, që kompania turke që përfitoi lejen e ndërtimit për tunelin e Llogarasë do duhet të niste punimet në 28 maj 2029 dhe jo në nëntor të vitit 2021 sikundër ka ndodhur në të vërtetë.

Pra, dokumenti tregon që për të paktën tre vite është punuar, tuneli i Llogarasë është ndërtuar pa leje ndërtimi dhe kjo është një nga ato shkresa që besoj duhet të jetë shumë e rëndësishme dhe duhet, nëse nuk e ka ende Prokuroria e Posaçme, duhet ta disponojë për të verifikuar, po themi, edhe rolin e kryeministrit Rama.

Pra, është miratuar në 2022-shin, por për shkak se po themi, sipas dokumentit, kompania nuk i ka plotësuar kushtet për ta marrë lejen e ndërtimit, në momentin që i ka plotësuar kushtet është firmosur. Ndërkohë që punimet nuk duhet të ishin kryer fare në momentin që nuk ishte kjo leje.